Өскемендік жасөспірімдер 12 жастағы қызды аясусыз соққыға жағып, артынша қашып кеткен. Бұл туралы әлеуметтік желіде қоғам белсендісі Александра Исмаилова жазды, деп хабарлайды F16.kz тілшісі.
Оқиға 9 шілде күні сағат шамамен17:00 мен 18:00 аралығында амфитеатрдағы субұрқақ маңында болған.
Оны үш жасөспірім жабылып аяусыз ұрып-соққан. Бала беті талқандалып, ми шайқалу диагнозымен ауруханаға түсті. Бейнебақылау камерасына күдіктілердің қашып бара жатқаны түскен. Сонда бұл жүйе оқиғаны түсіру үшін ғана керек пе? Неліктен қызды соққыға жығып жатқан кезде ешкім әрекет етпеген? – деп жазды қоғам белсендісі.
Қыздың беті мен басынан ұрғанда көзілдірігі сынып, шынының сынықтары терісіне кіріп кеткен. Ал жедел жәрдемді оқиға орнында жүрген куәгерлер шақырған көрінеді.
Облыстық полиция басқармасы аталған оқиғаны растап отыр. Қатысы бар күдіктілер анықталып, қылмыстық іс қозғалған.
Заңды өкілдер балаларды тәрбиелеу жөніндегі міндеттерін тиісінше орындамағаны үшін жауапқа тартылады. Сондай-ақ іс кәмелетке толмағандар ісі жөніндегі комиссияға жолданды, — дейді ШҚО ПД баспасөз қызметі.
