Катонқарағай ауданы арқылы өтетін республикалық маңызға ие «Өскемен – Алтай – Үлкен Нарын – Қатонқарағай – Рахман қайнары» трассасы бойындағы автобус аялдамаларын жаңарту жұмыстары жалғасуда, деп хабарлайды F16.kz.
Қазір бірқатар елді мекенде заманауи павильондар орнатылып, бұрыннан бар аялдамалар жөнделіп, абаттандырылып жатыр.
Жұмыстар жолаушылардың жайлылығы мен қауіпсіздігін қамтамасыз етуге баса назар аудара отырып жүргізілуде. Барлық аялдама қоршалған – бұл тазалық пен тәртіпті сақтауға мүмкіндік береді.
Жаңартылған павильондар қолайсыз ауа райы кезінде жолаушыларға пана болып, шалғайдағы ауыл тұрғындарының қоғамдық көлікті күту процесін әлдеқайда жеңілдете түседі.
