Өскемендегі қонақ үйлердің бірінен халықаралық іздеуде жүрген шетелдік азамат ұсталды, деп хабарлайды F16.kz тілшісі.
Күдікті ШҚО ПД экстремизмге қарсы іс-қимыл басқармасының қызметкерлері жүргізген жедел іздестіру іс-шараларының нәтижесінде қолға түскен.
Белгілі болғандай, аталған азамат аса ірі мөлшерде алаяқтық жасады деген күдікпен мемлекетаралық іздеуде жүрген. Қазір ұсталған адам уақытша ұстау изоляторына қамалды, — деді ШҚО ПД баспасөз қызметі.
Сондай-ақ оны іздестіруді бастаған елге экстрадициялауды ұйымдастыру жұмыстары жүргізіліп жатыр.
Фото: astanatv.kz
