Пушкин атындағы облыстық кітапханада «Шығыс салбурыны» фотокөрмесінің ашылу салтанаты өтті. Көрмеде биыл Бозанбайдағы Бүркіт төбеде өткен «Шығыс Салбурыны-2025» V халықаралық фестивалінің ерекше сәттері ұсынылды, деп хабарлайды F16.kz.
Фестивальге Моңғолия, Ресей, Венгрия, Қырғызстан, Испания және Қазақстанның әр өңірінен келген 100-ден астам бүркітші қатысып, 10 мыңнан аса көрермен жиналған.
Фотокөрменің ашылуында өңіріміздің фотожурналистері түсірген бірегей кадрлар кітапхана фойесіне қойылды. Шараның шымылдығын ашқан Ұлан ауданы әкімінің орынбасары Мәделхан Піржанов жиналған барша қауымды құттықтап, Салбурын шарасының маңыздылығына қысқаша тоқталып өтті.
Шара барысында Салбұрынды бес жыл бойы жоғары деңгейде өткізуге белсене атсалысқан Ұлан ауданының тұрғындары кітапхана атынан арнайы Алғыс хаттармен марапатталды.
