Бүгін Шығыстың бас шаһарында Халықаралық дирижерлер форумы басталды. Шараға ТМД елдерінің танымал дирижёрлері мен Байжігіт атындағы қазақ халық аспаптары оркестрі қатысып жатыр, деп хабарлайды F16.kz.
2018 жылдан бері елімізде шілденің алғашқы жексенбісі Ұлттық домбыра күні аталып өтеді. Айтулы күнге орай ұйымдастырылған халықаралық форум аясында бірқатар шаралар легі жоспарланған.
- 3 шілде, 14:00 – Музыканттарға арналған дирижёрлердің шеберлік сабақтары (ШҚО филармониясы, Протозанов көшесі, 43);
- 4 шілде, 18:30 – «Дирижёрлер парады» атты гала-концерт (ШҚО филармониясы, Протозанов көшесі, 43);
- 5 шілде, 17:00 – Жамбыл атындағы саябақта облыстың үздік күйшілерінің күй-тартысы;
- 6 шілде, 17:00 – Арбатта қала тұрғындары кәсіби музыканттармен бірге күй тартады.
Форумға Қазақстан, Қырғызстан және Ресей Федерациясының танымал дирижёрлері, мәдениет қайраткерлері мен кәсіби қауымдастықтардың өкілдері қатысу жоспарланып отыр.
