Өскеменде аулада ойнап жүрген балақайды қағып, оқиға орнынан қашып кеткен көлік иесі іздестіріліп жатыр, деп хабарлайды F16.kz KopSoz паблигіне сілтеме жасап.
Оқиға биылғы 3 мамырда «Сэнди» дүкенінің жанындағы үйдің ауласында болған. Көлік жүргізушісі дүкен маңында ойнап жүрген баланы қағып, оқиға орнынан қашып кетті. Бұл туралы жәбірленушінің анасы хабарлады. Оның айтуынша, бала жарақат алып, бетінде тыртық қалған. Белгілі болғандай, арада біраз уақыт өтсе де жүргізуші отбасымен байланысқа шықпаған және көмек қолын созбаған.
Қазір балақай мен оның анасы қаланың іргесіндегі саяжайлардың бірін паналауға мәжбүр. Себебі, белгілі бір себептерге байланысты жалға берілетін тұрғын үйдің ақысын уақытында төлей алмай қалған.
Баланың анасы жеткізгендей, қазір олар істі соңына дейін жеткізу үшін адвокат іздестіруде.
