Көктемнің шуақты, жан жадыратар күнінде табиғатқа бейжай қарамайтын қабанбайлық тұрғындар экологиялық акцияға белсене қатысты, деп хабарлайды F16.kz тілшісі.
Тарбағатай ауданы, Қабанбай ауылдық округі әкімдігінің ұжымы әкімшілік ғимараты аумағы мен «Ауылым – алтын бесігім» саябағын тазартып, ауыл келбетіне ерекше сән беретін түрлі-түсті гүлдер екті.
Акция аясында егілген 120 дана петуния гүлінің мекеме мен саябақтың ажарын аша түскені рас.
Біздің мақсат – тек аумақты көркейту емес, қоршаған ортаға жанашырлықпен қарау, тазалық пен экосананы қалыптастыру. Бұл іске қоғамның әр мүшесі үлес қосуға тиіс, — деді акция қатысушылары.
Сондай-ақ әкімдік ұжымы тұрғындарды табиғатты аялап, қоршаған ортаны таза ұстауға шақырады.
Фото: ШҚО өңірлік коммуникациялар қызметі
