Биылғы 20 қыркүйекте Ресейде халықаралық музыкалық «Интервидение – 2025» байқауының финалы өтеді. Бұл өнер додасында Қазақстан намысын «Дарын» мемлекеттік жастар сыйлығының лауреаты, Amre лақап атымен танымал әнші Ернар Садырбаев қорғайды, деп хабарлайды F16.kz.
Бұл туралы Мәдениет және ақпарат министрлігінің телеграм арнасында жазылды.
Ернар Садырбаев Т.Жүргенов атындағы Қазақ ұлттық өнер академиясын бітірген. Ол pop, pop-classic, latino және R&B бағыттарындағы әндерді орындайды. Көптеген халықаралық фестиваль мен байқаудың жеңімпазы.
2018 жылы Ернар Садырбаев Витебск қаласында өткен «Славян базары» фестивалінде бірінші орын алған.
2021 жылы Қазақстанда өткен «Маска» телевизиялық шоуына қатысып, көрерменнің сүйіспеншілігіне ие болды.
Әнші ресейлік «Голос» жобасына қатысып, белгілі ресейлік жұлдыз Дима Биланның командасымен финалға дейін жеткен.
