2024-2025 оқу жылының қорытындысы бойынша еліміздегі техникалық және кәсіптік білім беру жүйесін 170 мыңнан астам студент тәмамдайды, деп хабарлайды F16.kz.
Олардың ішіндегі 123 мыңы – жұмысшы мамандықтары бойынша, 27 мыңы – дуалды оқыту жүйесі арқылы, ал 10 мыңнан астамы – кәсіпорындардың мақсатты тапсырысы шеңберінде білім алған. Жұмыспен қамту көрсеткіші 81%-ға жетіп отыр.
Оқу-ағарту министрлігінен хабарлағандай, бүгінде Қазақстан колледждері металлургия, машина жасау, көлік, энергетика, IT, құрылыс және инженерия сияқты экономиканың 15 негізгі бағыты бойынша мамандар даярлауда.
– Мемлекет басшысының тапсырмасына орай биылғы 1 қыркүйектен бастап сұранысқа ие техникалық мамандықтар бойынша оқыту толықтай тегін болады. Мемлекеттік гранттардың 70%-ы дәл осы техникалық бағыттарға бөлінеді. Бұдан бөлек, кәсіпорындардың өтінімдері бойынша шамамен 10 мың студент білім алады, – деп хабарлайды дерек көзі.
