Бүгін Шығыс Қазақстан облысының әкімі Нұрымбет Сақтағанов Винное ауылында Глубокое ауданы тұрғындарымен кездесіп, көптің көкейіндегі сұрақтарға жауап берді, деп хабарлайды F16.kz.
Алдымен аймақ басшысы қолға алынған бірақтар жобаға тоқталып, аудан әкіміне нақты тапсырмалар берді.
Глубокое ауданының орталығында жабық хоккей корты салынады. Ол үшін қазір жер учаскесін рәсімдеу жұмыстары жүріп жатыр. Спорт нысаны 2026-2028 жылдарға жоспарланған. Аудан үшін тағы бір маңызды жоба — Белоусовка кентіндегі денешынықтыру-сауықтыру кешені. Сондай-ақ «Ауыл – ел бесігі» бағдарламасы аясында 150 орындық мәдениет үйінің құрылысы жүріп жатыр. Ал Ушанов ауылында демалыс орталығын күрделі жөндеу жоспарланған, — деді өңір басшысы.
Сондай-ақ ол аудан әкіміне биылғы 1 қарашаға дейін аудандық бюджет есебінен Глубокое кентінде жабық хоккей кортын және Белоусовка кентінде денешынықтыру-сауықтыру кешенін салу бойынша жобалау-сметалық құжаттаманы әзірлеп, сараптама қорытындысын алуды тапсырды.
Ал облыстық денешынықтыру және спорт басқармасы салалық қорытынды алу үшін инвестициялық ұсыныстар дайындауы қажет.
