Биыл Қазақстанда шегіртке зиянкестерімен күресу мақсатында 2,1 миллион гектар алқапқа химиялық өңдеу жұмыстарын жүргізу жоспарланған. Бүгінде оның 1,4 миллион гектары өңделді, деп хабарлайды F16.kz Ауыл шаруашылығы министрлігіне сілтеме жасап.
Белгілі болғандай, іс-шараларға 443 бірлік арнайы бүрку техникасы тартылған. Химиялық өңдеу жұмыстары жоспарға сай жүргізіліп жатыр.
– Түркістан облысында күрес шаралары толық аяқталды: 371,79 мың гектар алқап өңделді. Ақтөбе облысында – 268,12 мың га, Қостанай облысында – 258,97 мың га, Жетісу облысында – 51,81 мың га, Жамбыл облысында – 74,48 мың га, Батыс Қазақстан облысында – 136,66 мың га, Қызылорда облысында – 50,01 мың га алқап өңделді. Қалған өңірлерде жұмыстар жалғасуда, – деп хабарлайды министрліктен.
