Бүгін таңертең Ұлан ауданының Бозанбай ауылында құрылыс жұмысы кезінде трактор жүргізушісі қаза тапты, марқұмның артында бес баласы қалды, деп хабарлайды F16.kz.
Оқиға орнына шұғыл жеткен Шығыс Қазақстан облысының әкімі Нұрымбет Сақтағанов жағдайды бақылауға алды.
Оқиға орнына дереу бардым. Барлық жағдай жіті бақылауға алынды. Мемлекеттік еңбек инспекциясына және басқа да қадағалаушы органдарға құрылыс жұмыстарын жүргізген мердігер ұйым – «ТМ Тепломир» ЖШС-ға қатысты мұқият тергеу жүргізуді тапсырдым. Егер еңбек қауіпсіздігі талаптарының бұзылғаны расталса, кінәлілер заң шеңберінде жауапқа тартылады, – деді аймақ басшысы.
Ұлан ауданының әкіміне марқұмның отбасына барлық қажетті көмек пен қолдау көрсету тапсырылды.
Қазір оқиға орнында тиісті қызметтер жұмыс істеп жатыр. Қайғылы жағдайдың мән-жайы нақтыланады.
