17 шілде күні сағат 15.00 шамасында Орал–Озинки автожолының 64-ші шақырымында, Бәйтерек ауданы Усихино ауылы маңында жол апаты болды, деп хабарлайды F16.kz.
Куәгерлердің айтуынша, Chevrolet Aveo маркалы жеңіл көліктің жүргізушісі «КамАЗ»-ды басып оза бергенде рөлге ие бола алмай, жүк мәшінінің артына соғылған. Соққыдан жеңіл көлік өртеніп кеткен.
Оқиға орнында жүргізуші мен үш жолаушы көз жұмды. Қылмыстық іс қозғалып, тергеу басталды. Полиция жол ережелерін қатаң сақтауға шақырады.
