Мемлекеттік қызмет істері агенттігінің келісімімен Ержан Сембинов Шығыс Қазақстан облысы туризм басқармасының басшысы лауазымына тағайындалды. Бұл туралы өңір басшысы Нұрымбет Сақтағанов бүгін өткен облыс әкімдігінің мәжілісінде мәлім етті, деп хабарлайды F16.kz.
Ержан Сембинов – мемлекеттік қызметте тәжірибесі мол. Туризм және сыртқы байланыс саласын жетік білетін жоғары білікті маман. Ол өңіріміздің туристік әлеуетін арттыру, инфрақұрылымды дамыту, ішкі және сыртқы туризмді жүйелі ілгерілету бойынша нақты жобаларды іске асыруға қабілетті, – деп атап өтті облыс әкімі.
Ержан Сембинов – Шығыс Қазақстан облысы Ұлан ауданының тумасы. Ол аймақ халқының тыныc-тіршілігін, жергілікті жердің табиғи жағдайын жақсы біледі.
Орталық Азия университетін бітірген, экономист құқықтану бакалавры біліктілігін алған. Республикалық және облыстық құрылымдарда еңбек етті. ШҚО бойынша Мемлекеттік кірістер министрлігінің «Кеден транссервис» РМК директорынан Риддер қаласы әкімі аппаратының басшысына дейін лауазымды қызметтерді атқарды.
Сонымен қатар ол облыс әкімі аппаратының сыртқы байланыстар және хаттама бөлімінде, туризм, денешынықтыру және спорт басқармасында, ішкі саясат басқармасында жұмыс істеген.
