ШҚО-да 7-8 сынып оқушыларына арналған «Киелі Шығыс» оқу-танымдық туры басталды, деп хабарлайды F16.kz.
«Киелі Шығыс» интеллектуалдық конкурсының 200 жеңімпазы Шығыстың көрікті демалыс орындарына саяхаттайды. 8 шілде күні үздік атанған оқушылар Берелге аттанды.
Оқу-танымдық турлар (3 күн, 2 түн) келесі бағыттар бойынша өтеді: Берел, Киін-Керіш, Таулы Үлбі – Риддер қаласы, Сібе көлдері – Таулы Үлбі – Шемонаиха қаласы. Бағдарламада экскурсиялар, шеберлік сағат және туризм негіздері бойынша оқу-тәжірибелік сабақтар, жаяу маршруттар, спорттық ойындар мен эстафеталар, тимбилдинг ұйымдастырылған, — дейді ШҚО білім басқармасының баспасөз қызметі.
Берелге аттанған мектеп оқушылары «Медведский» көк шырша өсіру орман питомнигі, «Баян» марал шаруашылығы, «Берел» мемлекеттік тарихи-мәдени қорық-музейі, Берел қорғандары, Шыңғыстай ауылындағы О. Бөкей үй-мұражайы, Қатонқарағай ауылындағы «Жас туристер станциясымен» жақын танысты.
