Шығыс Қазақстан облысының Зайсан қаласында 30 пәтерлі тұрғын үй пайдалануға берілді. Бұл баспаналардың кілті көпбалалы отбасыларға, ата-ананың қамқорлығынсыз қалған балаларға, сондай-ақ бюджеттік сала қызметкерлеріне табысталды, деп хабарлайды F16.kz.
Мемлекеттің басым бағыттарының бірі – халықты қолжетімді тұрғын үймен қамтамасыз ету. Осы мақсатта қолға алынған жобалар ел ішінде әлеуметтік әділеттілікті күшейтуге, азаматтардың өмір сүру сапасын арттыруға бағытталған. Зайсанда бой көтерген бұл тұрғын үй де осы бастамалардың жарқын көрінісі.
Салтанатты рәсімге қатысқан аудан басшылығы жаңа қоныс иелерін шын жүректен құттықтап, игілік пен береке тіледі. Әкімдіктің мәлімдеуінше, мұндай жобалар алдағы уақытта да жалғасады. Бұл тұрғын үй – баспана ғана емес, әр отбасы үшін жаңа өмірге қадам, болашаққа сенім.
Жаңа баспана иелері көрсетілген қолдау үшін ризашылықтарын білдіріп, өз шаңырақтарында жайлы өмір сүруге мүмкіндік алғандарын атап өтті. Көпшілігі бұл сәтті көптен күткенін жеткізді.
