Қазақстан Төтенше жағдайлар министрлігінің құтқарушылары Aitu ұлттық мессенджерін қолдана бастады, деп хабарлайды F16.kz.
Министрліктің мәліметінше, ұлттық суперқосымшаны пайдалану қызметкерлерге ақпаратпен жылдам алмасуға және күнделікті жұмыста іс-қимылды тиімді үйлестіруге мүмкіндік береді.
112 KZ ресми Aitu арнасы құрылды, онда ведомствоның қызметі туралы жаңалықтар, ескертулер мен материалдар жарияланады. Бұл мессенджер қолданушыларына құтқару қызметтерінен тікелей сенімді ақпарат алуға жол ашады,- деді ТЖМ ресми өкілі Динара Нұрғалиева.
Aitu-ды қолдану – ТЖМ цифрлық трансформациясындағы маңызды қадам, ол қоғамның мемлекеттік онлайн-қызметтерге деген сенімін нығайтады.
