Шығыс Қазақстан облысының әкімдігінде «Altai Invest-2025» халықаралық инвестициялық форумына дайындық бойынша кеңес өтті, деп хабарлайды F16.kz.
Ауқымды шараға 100-ден астам делегат, 20 халықаралық қаржы институтының өкілдері, Беларусь пен ТМД елдерінің, Қытайдың және Ресей Федерациясының алты өңірінен делегация қатысады деп жоспарланған. Сондай-ақ 23 ірі шетелдік және отандық компания форумға қатысатынын хабарлап үлгерген.
Форум өңірдің даму перспективаларын талқылап, инвестиция тарту үшін негізгі диалог алаңына айналады. Оның аясында тақырыптық сессиялар, іскерлік кездесулер мен келіссөздер жүргізіледі. Өнеркәсіп пен ауыл шаруашылығынан бастап туризм мен логистикаға дейінгі түрлі салалардағы ынтымақтастық туралы меморандумдар мен келісімдерге қол қою жоспарда бар,- деп атап өтті облыс әкімі Нұрымбет Сақтағанов.
Бұл іс-шара жаңа идеялар мен жобаларды іске асыруға бастама болары сөзсіз. Халықаралық әріптестікті нығайтып, өңір экономикасының нығаюына да әсер етпек.
