Облыс орталығында 22-24 қыркүйек аралығында жоспарлы дератизация жұмыстарының бірінші кезеңі жүргізілді, деп хабарлайды F16.kz.
Естеріңізге сала кетейік, бұған дейін әлеуметтік желіде қоқыс алаңдарында тышқан өріп жүрген видеолар бірнеше рет тараған. Тұрғындар тарапынан да шағым түскен.
Қала әкімдігінің мәліметіне сүйенсек, екі күн ішінде мамандар 310 қоқыс алаңына санитарлық-гигиеналық жұмыс жүргізген.
Кеміргіштерге қарсы күресте «Апсалон» препараты қолданылады. 3-6 күн ішінде әсер етуі керек. Бұл жұмыстар үш кезеңде жүргізіледі. Бірінші кезеңде осындай препараттар қойылады, 3-4 күннен кейін әсерін бекіту үшін дератизация жұмыстарының екінші кезеңі жүргізіледі, үшінші кезеңде кеміргіштер толық жойылады, — дейді қала әкімдігінің өкілдері.
Мамандар қала тұрғындарынан тағы да кеміргіштер анықталса шұғыл шара қабылдау үшін Аумақтық басқару орталығына хабарлауды сұрайды.
