10-11 қазан күндері облыс орталығында «Туған жер – алтын бесігім» жобасының шеңберінде Риддер қаласының мәдени күндері өтеді, деп хабарлайды F16.kz.
Белгілі болғандай, 10 қазан күні сағат 17:00-де облыстық филармония ғимаратында «Абай және оның замандастары» атты көрме, қолөнер шеберлерінің туындылары және Риддер қаласының туристік мүмкіндіктері мен жетістіктерін паш ететін экспозиция ұйымдастырылады. Одан кейін, сағат 18:00-де Риддер қаласы шығармашылық ұжымдардың қатысуымен үлкен гала-концерт жоспарланған.
Ал 11 қазан күні таңғы 08:00-де «Алтай» көтерме-тарату орталығының алаңында ауыл шаруашылығы өнімдерінің жәрмеңкесі, спорттық жарыстар және қала өнерпаздарының қатысуымен мәдени-көпшілік іс-шаралар ұйымдастырылмақ.
