Өскемен қаласының жаңа прокуроры болып Руслан Алишев тағайындалды, деп хабарлайды F16.kz.
Руслан Алишев 1984 жылдың 18 маусымында Жамбыл облысы, Амангелді ауылында дүниеге келген. Түркістан қаласында Қожа Ахмет Ясауи атындағы Халықаралық қазақ-түрік университетін және Орталық Азия университетін тәмамдаған.
2008 жылдан бастап Тараз қаласы прокурорының көмекшісі, 2009 жылы аға көмекшісі қызметтерін атқарған;
2011 жылдан бастап Қазақстан Республикасы Бас прокуратурасының әлеуметтік-экономикалық саладағы заңдылықты қадағалау департаментінде;
2017 жылдан бастап Жамбыл өңірлік көлік прокуроры;
2021 жылдан бастап Жамбыл облысы Қордай ауданының прокуроры болды.
2022 жылдың тамыз айынан бастап бүгінге дейін Абай облысы прокурорының орынбасары қызметін атқарған.
