Шығыс Қазақстан облысының әкімі Нұрымбет Сақтағанов келер жылдан бастап Қытайға әуе бағытын ашу жоспарланғанын айтты, деп хабарлайды F16.kz.
Облыс әкімінің айтуынша, биыл өңірде мемлекет басшысының тапсырмасына сәйкес екі жаңа әуежайдың құрылысы жүргізіліп жатыр. Сондай-ақ, «Майқапшағай» және «Үбі» өткізу пунктері, 5 теміржол вокзалы жаңғыртылып жатыр.
Былтырдан бастап облыс орталығынан Мәскеу мен Новосібірге халықаралық әуе рейстері орындалады. Келер жылдан бастап Қытайға әуе бағытын ашу жоспарланған. Сондай-ақ Өскемен-Алматы бағытындағы тальго пойызын іске қосуға дайындық жүріп жатыр.
