Бүгінде Самар ауданы халқының 93,5%-ы интернетпен қамтылған. Бұл туралы ШҚО әкімі Нұрымбет Сақтағанов аудан тұрғындарымен кездесу барысында айтты, деп хабарлайды F16.kz.
Самар ауданында байланыс нашар, интернетке әлі қолы жетпеген 6 ауыл бар. Тұрғындардың арыз-шағымына аймақ басшысы жауап берді.
Палатцы ауылында бюджет қаражаты есебінен антенна-мачталық діңгек құрылысы аяқталды. Раздольное ауылында “Кар-Тел” ЖШС операторының базалық станциясын орнату жоспарланып отыр. Қалған 4 ауылда жұмыс «Қолжетімді интернет» ұлттық жобасы аясында 2027 жылдың соңына дейін ұялы байланыс операторларымен бірлесе отырып кезең-кезеңімен жүргізіледі, — деді облыс әкімі.
Аудандағы 18 мектепті жоғары жылдамдықты интернетпен қамтамасыз ету үшін «Starlink» жиынтығы орнатылған.
Осы ретте, әрбір нақты аумақтың ерекшеліктеріне және қолжетімді технологияларға қарай ауылдарды интернетке қосудың балама нұсқалары қарастырылып жатқанын айта кеткен жөн.
