Облыс орталығында «Алтайым – алтын бесігім» атты республикалық командалық айтыс өтеді, деп хабарлайды F16.kz.
Айтыс 14 ақпан күні сағат 15:00-де Шығыс Қазақстан облыстық филармониясының концерт залында өтеді.
Сайыста Қарағанды облысының өнерпаздары мен Шығыс Қазақстан облысының өнер майталмандары түре айтыс, сүре айтыс, қайым айтыс, қыз бен жігіт айтысы, жыр, терме, күй, дәстүрлі ән бойынша өзара тартысқа түседі.
Жыр дүлдүлдерінің бәйгесін белгілі айтыскер ақын, Парламент Мәжілісінің депутаты Аманжол Әлтаев жүргізеді. Қазылар алқасының төрағасы — ҚР еңбек сіңірген қайраткері Жүрсін Ерман.
Қарағанды облысының өнерпаздары қатарында Жанарыс Тілеубек, Дидар Қами, Балқан Смағұлов, Нұрмұхамед Байсүгіров, Ботпай Нұрәлі, Шыңғыс Сәрсенбай, Еркеғали Бекболат, Дәуренбек Аркенов, Дәулен Дарын бар. Команда жетекшісі – Айтбай Жұмағұлов.
Ал Шығыс Қазақстан облысының өнерпаздары қатарында Талант Мәжитов, Алпыс Жақиянов, Ауданбек Жұмабай, Қуаныш Еркінұлы, Жұлдызай Маратбекқызы, Естай Матабаев, Ардабек Ақбаба, Серік Қуанған, Бекболат Ерқұлан бар. Команда жетекшісі – Серік Құсанбаев.
Жеңіске жеткен команда жобаның келесі кезеңіне жолдама алады. Кіру тегін.
