Облыс орталығындағы №45 референдум учаскесінде дауыс берген Аяулым Мүлікбаева үшін бүгінгі күн ерекше есте қалады. Себебі ол бүгін 18 жасқа толып, алғаш рет өз таңдауын жасады, деп хабарлайды F16.kz.
Оның айтуынша, кәмелет жасына толған азамат ретінде дауыс беру – үлкен жауапкершілік. Бұл маңызды күн өзінің туған күнімен тұспа-тұс келгені ерекше әсер сыйлаған.
Мен Қазақстан Республикасының азаматы ретінде алғаш рет таңдау жасап, еліміздің жаңа заң жобасына дауыс бердім. Бүгінгі саяси науқанның менің туған күніммен қатар келгеніне және оған қатысқаныма қуаныштымын, – деді Аяулым Мүлікбаева.
Сайлау комиссиясының мүшелері жас дауыс берушіге сыйлық табыстап, құттықтады.
