Заң жобасын мамыр айының басында Парламентке енгізу жоспарланып отыр. Бұл туралы мәжіліс депутаты Снежанна Имашева айтты, деп хабарлайды F16.kz Kazinform агенттігіне сілтеме жасап.
Депутаттың айтуынша, тиісті заң жобалары әлі де даярлық сатысында.
Әкімшілік рақымшылық бойынша мемлекеттік органдар салған айыппұлдарды есептен шығарылуы мүмкін.
Бізде айыппұлдардың 600-ден астам түрі бар. Қазір осы айыппұлдардың қайсысы қамтылатынын талқылап жатырмыз. Әрине, қоршаған орта мен санитарлық қауіпсіздікке қатысты заң бұзу деректері бойынша айыппұлдар есептен шығарылмайды. Мысалы, санитарлық ережелерді бұзу туралы бап бар. Осы бапта адамдардың денсаулығы мен өміріне қауіп төндіретін әрекеттерге қатысты норма ескерілген, — деді Снежанна Имашева.
Депутат әкімшілік рақымшылық бірнеше миллион айыппұлға әсер етуі мүмкін екенін атап өтті.
Сонымен қатар ол қылмыстық амнистияға қатысты түсінік берді.
Негізінен, қылмыстық рақымшылық ауыр емес және орташа ауырлықтағы қылмыстарды қамтиды. Бұл — шамамен 17 мың адам, — деді ол.
