21 маусым күні Қара Ертіске батып кеткен 2007 және 1991 жылы туған екі адамның денесі табылды, деп хабарлайды F16.kz.
Үшінші адамның денесін ШҚО және Абай облысының құтқарушылары әлі іздестіріп жатыр.
Департаментте және оқиға болған жерде жедел штабтар құрылған.
Шығыс Қазақстан мен Абай облысының құтқарушылары, полицейлер, еріктілер, жергілікті атқарушы органдар мен шекара қызметі жұмылдырылды. Іздестіру жұмыстарына барлығы 176 адам, 15 жүзу құралы, 3 пилотсыз ұшу аппараты, су астындағы дрон, 1 эхолот тартылды, — дейді ШҚО ТЖД баспасөз қызметі.
Естеріңізге сала кетейік, 21 маусым күні Боран ауылынан 5 шақырым жердегі Қара Ертіс өзенінде 2007 жылы туған жасөспірім тыйым салынған жерге суға түсіп, батып кеткен. Құтқармақ болған 1991 және 1992 жылғы екі ер адам ағысқа қарсы төтеп бере алмай, суға кетті. Барлығы Зайсан ауданының тұрғындары екені анықталды.
