Облыс орталығында тозығы жеткен жылу желілері жөнделіп жатыр. Осы жұмыстарға байланысты бірқатар көшелерде қозғалысқа шектеу қойылады, деп хабарлайды F16.kz.
«Шығыс Жылу» АҚ хабарлауынша, қазіргі таңда Пермитин — Қабанбай батыр көшесінің қиылысы мен Новаторов — Қабанбай батыр көшесінің қиылысында жұмыс жүріп жатыр.
Аталған учаскедегі жылу желілері 1996-2000 жылдары салынған. Бүгінде тозығы жетіп тұр. Жылыту маусымында қауіпсіз болу үшін жөндеу жұмыстарын бастап кеттік. Қала тұрғындарынан уақытша келтірілген қолайсыздықтар үшін кешірім сұраймыз, — деді кәсіпорын өкілдері.
Жөндеу жұмыстарына байланысты төмендегі учаскелерде шектеу енгізіледі:
Пермитин көшесінің (Өрт сөндіру бөлімінен Буров көшесімен қиылысқа дейін) оң жолағы тарылады;
Буров көшесі мен Қабанбай батыр көшесінің қиылысы, Новаторов көшесі мен Қабанбай батыр көшесі қиылысына дейінгі оң жолақ тарылады;
Желтоқсан көшесінен Қабанбай батыр көшесіне қарай оң жақ бұрылыс жабылады.
Жұмыстар 29 тамызға дейін аяқталуға тиіс.
