2025 жылдың алғашқы 10 айында еліміздің Экология және табиғи ресурстар министрлігінің мамандары 900-ге тарта тексеру жүргізіп, 2 500-ден астам заңбұзушылықты анықтаған. Бұл туралы министрліктің баспасөз қызметіне сілтеме жасап F16.kz сайты хабарлайды.
Министрліктің негізгі функцияларының бірі – аумақтық экологиялық департаменттер жүзеге асыратын мемлекеттік экологиялық қадағалау. Инспекциялық қызмет қоршаған ортаны қорғау заңнамасының сақталуын қамтамасыз етуге және қоршаған ортаға әсерді азайтуға бағытталған.
Белгілі болғандай, 2025 жылдың алғашқы 10 айында аумақтық департаменттер 899 тексеру жүргізіп, 2 540 бұзушылықты анықтап, 1 411 бұйрық шығарған. 2 285 әкімшілік айыппұл салынды, оның ішінде 2 056-сы төленді, жалпы сомасы 5,47 миллиард теңгеге жетті.
Сондай-ақ қызметтерді тоқтата тұру туралы 10 іс сотқа жіберіліп, оның 6-сы сот шешімдерімен бекітілді.
– Қоршаған ортаны қорғау инспекторлары жүйелі мониторинг және талдау жұмыстарын да жүргізеді. Есепті кезеңде 695 мониторингтік сапар өткізілді, 9 274 сынама алынды және 41 000-нан астам зертханалық сынақтар жүргізілді. Сонымен қатар, қоршаған ортаны қорғау заңнамасының бұзылуының алдын алу және анықтау үшін 304 тексеру ұйымдастырылды, – деп хабарлайды министрліктен.
