Қазақстан банктері прокуратураның ұйымдасқан қылмыстық топтармен байланыс жөніндегі айыптауларына жауап берді, деп хабарлайды F16.kz.
Төрт ірі банк өздеріне прокуратурадан ешқандай ресми хабарлама келмегенін және қызметкерлерінің қылмысқа қатысы болуы мүмкін деген ақпаратты алғаш рет БАҚ-тан білгенін мәлімдеді.
Қазақстан қаржыгерлері қауымдастығы (ҚҚҚ) құқық қорғау органдарын осындай мәселеге қатысты жария мәлімдеме жасағанда байыпты әрекет етуге шақырды. Өйткені ондай ақпарат қаржы ұйымдарының іскерлік беделіне нұқсан келтіруі мүмкін.
Қауымдастық атап өткендей, банктер ашық жұмыс істейді, Қазақстан заңдарын және халықаралық стандарттарды сақтайды әрі кез келген мәселе бойынша тергеу органдарымен ынтымақтасуға дайын.
Бұған дейін жазғанымыздай, Ақмола облысының прокуратурасы еліміздегі актив көлемі бойынша алғашқы ондыққа кіретін төрт банктің қызметкерлері адам ұрлауға қатысып, олардың атына заңсыз несиелер рәсімдеген болуы мүмкін деп хабарлаған.
