Алматы маңында құрама жем өндіретін «АзияАгроФуд» кәсіпорнында күшті жарылыс болып, бір адам қаза тапты, үш адам ауыр жағдайда ауруханаға жеткізілді, деп хабарлайды F16.kz.
Кәсіпорын Қарасау ауданының Жібек жолы ауылында орналасқан. Алматы облыстық төтенше жағдайлар департаменті баспасөз қызметінің хабарлауынша, өрт екінші элеватор кешенінің бірінші қабатында астық қалдығының шаң-тозаңынан тұтанған. Тілсіз жау 1377 шаршы метр аумақты шарпыған.
Апат салдарын жоюға Алматы облысының және қаласының төтенше жағдайлар қызметкерлері, жергілікті атқарушы орган өкілдері дереу жетті. Өртті сөндіруге 100 құтқарушы мен 31 техника жұмылдырылып, қызыл жалын сөндірілді. Төтенше жағдайдың себебі анықталып жатыр.
Жарылыстан бір адам мерт болды, үш адам денесінің 70-80 пайызын күйік шалып, ауруханаға түсті. Жансақтау бөлімінде жатқандардың жағдайы өте ауыр.
Фото: видеодан алынған кадр
