Өскемендегі Республика алаңында орналасқан Абай Құнанбайұлының ескерткішін жөндеу-реставрациялау жұмысы басталды, деп хабарлайды F16.kz.
Абай ескерткіші 2009 жылы 29 тамызда салтанатты түрде ашылған. Республика алаңындағы мүсіннің авторлары — Ескен Сергебаев пен Бақытжан Әбішев.
Реставрациялық жұмыстар ұлы ақын әрі ойшыл Абай Құнанбайұлының 180 жылдық мерейтойын атап өту аясында жүргізіліп жатыр. Жоба облыстық бюджет есебінен қаржыландырылады. Мақсат – мәдени мұра нысанын сақтау, оны тиісті күйде ұстау, мерейтойлық шараларды лайықты деңгейде өткізуге жағдай жасау және жұртшылықтың Абай мұрасына деген назарын арттыру.
Жөндеу жұмыстары 30 шілдеге дейін аяқтау жоспарланып отыр.
