Өскемендегі перзентхана жақын күндері жаңа ғимаратқа көшіріледі. Қазіргі күні Өскемендегі ана мен бала орталығында жөндеу жұмыстары жүргізіліп жатыр, деп хабарлайды F16.kz.
Облыс әкімінің орынбасары Жақсылық Омар орталықтың жұмыс барысымен танысып қайтты.
Аймақ басшысы Нұрымбет Сақтағановтың тапсырмасымен бұрыңғы балалар стационарының орнына заманауи перзентхана жабдықтаймыз. Басты мақсат – аналар мен жаңа туған нәрестелер үшін жайлы орта қалыптастыру, — деді ол.
Айта кетейік, қазір онда бөлімдер, желдету және инженерлік жүйелер жаңартылып жатыр. Жөндеу жұмыстары аяқталған соң жаңа медициналық жабыдқтар сатып алынады.
Бұрын гинекология, жаңа туған нәрестелер патологиясы, реанимация, операциялық бөлмелер мен зертханалар бөлек ғимараттарда орналасқан. Қайта жаңғыртылғаннан кейін барлық негізгі қызметтер бір орталықта орналасады. Осы арқылы ішкі логистика жақсарып, бөлімдер арасындағы қатынас әлдеқайда ыңғайлы болмақ.
