ҚР өнеркәсіп және құрылыс министрі 2025 жылғы 2 маусымдағы «Ағаш материалдарының жекелеген түрлерін әкетуді реттеудің кейбір мәселелері туралы» бұйрыққа қол қойды, деп хабарлайды F16.kz тілшісі Zakon.kz сайтына сілтеме жасап.
Құжатқа сәйкес, өндірілген еліне қарамастан, ағаш материалдарының жекелеген түрлерін алты ай мерзімге көліктің барлық түрімен Қазақстан аумағынан шығаруға тыйым салынады.
Бұл тізімге теміржол немесе трамвай жолдары үшін қылқан жапырақты ағаштардан жасалған ағаш шпалдар мен өндірілген елі Қазақстан Республикасы болып табылатын ағаш түйіршіктері енбейтінін айту керек.
Бұйрық 2025 жылдың 12 маусымынан бастап күшіне енді.
