Қытайдың Гонконг қаласында өтіп жатқан семсерлесуден әлем чемпионатында Қазақстан Республикасының ерлер құрамасы ел тарихында алғаш рет чемпион атанды, деп хабарлайды F16.kz.
Ұлттық құрама сапында Шығыс Қазақстан облысының спортшылары Руслан Құрбанов, Вадим Шарлаимов, Кирилл Проходов және ақтөбелік Ерлік Сертай өнер көрсетті.
Дүбірлі додада әлемнің ең үздік 46 командасы бақ сынаған.
Бүгінгі жеңіс жолы:
1/16 финал: Қазақстан – Финляндия 45:39;
1/8 финал: Қазақстан – Өзбекстан 28:27;
Ширек финал: Қазақстан – Дания 45:36;
Жартылай финал: Қазақстан – Мысыр 41:32;
Финал: Қазақстан – Украина 45:40.
Алтын медаль үшін өткен шешуші кездесуде Қазақстан құрамасы Украина командасын 45:40 есебімен жеңіп, алғашқы алтын медальді сыйлады.
Қазіргі таңда әлем чемпионы атанған Қазақстанның ерлер құрамасы әлем рейтингінде 5-орында тұр.
Айта кету керек, команданың жетістікке жету жолында жаттықтырушылар құрамы Мергүл Әбиева, Сергей Шабалин, Ксения Вендерских және Алексей Пеньковтың үлесі зор.
