Полиция мамандары азаматтарға әлеуметтік желілердегі аккаунтын алаяқтардан қорғау жолдарын еске салды, деп хабарлайды F16.kz тілшісі Polisia.kz сайтына сілтеме жасап.
Жеке парақшаларыңыз бен деректеріңіз қауіпсіз болуы үшін:
- Құпиясөз 12345 болмауы керек! Ұзын, күрделі құпиясөз қойыңыз: бас және кіші әріптер, сандар және арнайы белгілер (@, #, &) болсын. Аты-жөніңізді, туған күніңізді немесе қарапайым сөздерді қолданбаңыз.
- Құпиясөзді дұрыс сақтаңыз! Телефондағы Notes-қа немесе қағазға жазбаңыз. Оның орнына пароль менеджерін қолданыңыз – ол сізге жаңа құпиясөз құрып, сақтап, қажет болғанда ауыстырып береді.
- Видео мен қоңыраудағы адамды тексеріңіз! Алаяқтар дипфейк қолдануы мүмкін. Сөйлесіп отырған адамнан басын бұруын немесе жанында тұрған затты көрсетуін сұраңыз. Шұғыл ақша жібермеңіз – «туыс» болса да, алдымен қоңырау шалып, растаңыз.
- Әлеуметтік желіде абай болыңыз! Көптеген платформа жасанды интеллектпен жасалған суреттерді белгілейді және күмәнді контент туралы ескертеді.
- Сен, бірақ тексер! Күмәнді хабарлама келсе, басқа мессенджер немесе телефон арқылы қайта хабарласыңыз.
– Деректеріңізді қорғаңыз! – деп ескертеді полиция мамандары.
