Шаруа қожалығын жүргізу үшін жалға берілген жерге үй салған тұрғын айыппыұл арқалады, деп хабарлайды F16.kz.
Бұған дейін шаруа қожалықтың иесі заңбұзушылықты жою туралы нұсқама алған, алайда оны орындамаған.
Сот отырысында облыстық жер ресурстарын басқару департаментінің өкілдері ауыл шаруашылығы мақсатындағы жерге тұрғын үй салу ҚР Жер кодексінің ережелеріне қайшы келетінін атап өтті.
Мүлік иесі сол үйде өз кінәсін мойындамай, отбасымен бірге тұратынын, басқа баспанасы жоқ екенін айтты. Сондай-ақ бұл әрекеттің құқық бұзушылық екенін білмегенін жеткізді. Сот ауырлататын мән-жайлардың жоқтығын және құқық бұзушының шағын кәсіпкерлік субъектісі ретіндегі мәртебесін ескере отырып, 30 пайыздық жеңілдікпен 100 АЕК көлемінде, яғни 275 240 теңге айыппұл салынды, — дейді облыстық соттың баспасөз қызметі.
Қаулы заңды күшіне енді.
