Алматылық клубтың баспасөз қызметі әлеуметтік желілерде тарап жатқан «Қайрат» – «Реал Мадрид» матчының билеті сатылымға шықты немесе алдын ала брондауға болады» деген ақпараттың шындыққа жанаспайтынын мәлімдеді, деп хабарлайды F16.kz.
Билеттер туралы ресми ақпарат тек «Қайраттың» ресми сайты мен әлеуметтік желідегі парақшаларында жарияланады.
Қазіргі уақытта сатылым басталу уақыты да, бағасы да бекітілген жоқ. Сондықтан жанкүйерлерден бейресми хабарламаларға сенбеуді және күмәнді арналар арқылы билет алмауды өтінеміз, – делінген мәлімдемеде.
Айта кетейік, «Қайрат» пен «Реал Мадрид» кездесуінің өтетін күні белгілі болған сәттен бастап әлеуметтік желілерде «матч билеттері сатылып жатыр» деген ақпарат тез тарап кетті. Бұл жағдай, әсіресе билет бағасының тым жоғары болуы футбол жанкүйерлерін дүрліктіріп, наразылығын туғызды.
