Данияның Хернинг қаласында өткен IX EuroSkills Herning 2025 чемпионатында Қазақстан ұлттық құрамасы сапында өнер көрсеткен өскемендік Артем Мочинский жеңімпаз атанды, деп хабарлайды F16.kz.
Бұл – техникалық және кәсіптік білім беру саласындағы ең ірі халықаралық іс-шаралардың бірі. Данияның елінде ұйымдастырылған білім сайысына 32 елден 597 үміткер қатысты. Қазақстанның ұлттық құрамасы 25 құзыреттілік бойынша сынға түсті. Байқау қорытындысы бойынша біздің құрама команда жеті «Medallion for Excellence» медальонын жеңіп алды. Соның бірі — «Мехатроника» командалық құзыреттілігі бойынша марапатты Өскемен жоғары политехникалық колледжінің студенті Артём Мочинский мен ASTANA POLYTECHNIC жоғары колледжінің студенті Данил Турапин иеленді. Қатысушылар кәсіби дағдылар мен халықаралық деңгейдегі дайындықты, сондай-ақ жоғары командалық үйлесімділікті көрсете білді.
