«Қазгидромет» РМК күздің екінші айына арналған ауа райы болжамын жариялады. Қазан айының басында өңірде күн жылынса, соңында қар жауып, термометр бағаны төмендеуі мүмкін, деп хабарлайды F16.kz.
Синоптиктердің болжамына сүйенсек, алғашқы онкүндік түнде ауа райы +5…+10°С-қа дейін жетіп, күн жылынады. Тек облыстың солтүстігінде үсік жүреді. Десе де, онкүндіктің соңына қарай күн суытып, жауын-шашын болуы да ықтимал. Термометр бағаны 0…+5°С-тан +15…+20°С аралығында болады
Екінші онкүндікте ауа температурасы құбылып, бірде жылы болса, бірде жауын-шашын қарға ұласады. Ауа температурасы түнде -1…-6°С-тан +1…+6°С-қа дейін, күндіз +7…+12°С-тан +13…+18°С-қа дейін көтеріледі.
Үшінші онкүндікте күн суыта бастайды. Түнде 0…+5°С-тан -7…-12°С-қа дейін, ал күндіз +10…+15°С-тан +2…+7°С-қа дейін төмендеуі күтіледі.
Екінші онкүндіктің соңында және үшінші онкүндікте қар жауып, бұрқасын болуы да мүмкін.
