Облыстық спорт басқармасының басшысына қатысты тәртіптік іс қозғалып, қызметтік тергеу басталды, деп хабарлайды F16.kz.
Естеріңізге сала кетейік, өткен аптада ведомство басшысының онлайн жиналыс кезінде қызметкеріне дауыс көтеріп, балағат сөз айтқаны жайлы видео әлеуметтік желіде тарады.
Бұл жағдайда облыс әкімдігі түсініктеме берді.
ШҚО дене шынықтыру және спорт басқармасы басшысының қатысуымен өткен жиналыс бейнежазбасына қатысты ҚР Мемлекеттік қызмет істері агенттігінің ШҚО бойынша департаменті этикалық кодекс нормаларының бұзылуы фактісі бойынша тәртіптік іс қозғап, қызметтік тергеу бастағанын хабарлаймыз. Нәтижесі облыстық Әдеп жөніндегі кеңестің отырысында қаралады, — делінген хабарламада.
Сондай-ақ облыс әкімі аппаратының әдеп жөніндегі уәкілі аталған басқарма басшысымен әңгіме жүргізген.
