Шығыс Қазақстан облысының әкімі Нұрымбет Сақтағанов Ішкі саясат басқармасының жаңа басшысын ұжымға таныстырды, деп хабарлайды F16.kz.
Облыстық ішкі саясат басқармасының басшысы қызметіне Айдар Серікқазыұлы Садырбаев тағайындалды.
Айдар Садырбаев бұған дейін Абай облысының Қоғамдық даму басқармасын басқарған. Қазақ инновациялық гуманитарлық-заң университетін «Тарих» мамандығы бойынша тәмамдаған. Еңбек жолын қазақ тілі мен әдебиеті пәнінің мұғалімі болып бастап, кейін аудандық бөлім маманынан қала және облыс деңгейіндегі басшылық қызметтерге дейін жетті. Сондай-ақ Абай облысы бойынша «Аманат» партиясының төрағасы болған.
Облыс әкімі Нұрымбет Сақтағанов басқарманың жаңа басшысының мол тәжірибесі мен кәсіби біліктілігі өңірдің ішкі саясат саласындағы міндеттерді тиімді жүзеге асыруға мүмкіндік беретініне сенім білдірді.
