Халық әртістері ағайынды Абдуллиндер атындағы өнер училищесі 70 жылдық мерейтойын атап өтті, деп хабарлайды F16.kz.
Аталмыш оқу орны Шығыс Қазақстандағы ең байырғы және беделді оқу орындарының бірі.
70 жыл ішінде білім ордасы таланттардың ұстаханасына, өңірдің рухани орталығына айналды.
Бұл оқу орнынан түлеп ұшқан әртістердің, педагогтар мен өнер майталмандарының есімдері бүгінде Қазақстанда ғана емес, шетелде де кеңінен танымал.
Олардың қатарында Мадрид опера театрының солисі Аида Тұрғанбаева, композитор Светлана Апасова, Қазақ ұлттық консерваториясының профессоры Зәуре Смақова, театр және кино актері Иван Лубягин және тағы басқалары бар.
Училище 1955 жылы 1 қазанда жұмысын бастаған. Осы уақыт аралығынды 6 мыңнан астам маман тәрбиелеп шығарды. 2002 жылдан бастап ағайынды Абдуллиндердің есімі берілді. Бүгінде жетістіктеріміз аз емес, студенттеріміз республикалық, халықаралық байқауларда жеңімпаз атанып, жүлделі орындар иеленіп жүр, — деді Халық әртістері ағайынды Абдуллиндер атындағы Шығыс Қазақстан өнер училищесінің директоры Альмира Дюсупова.
Бірегей білім ордасында қазіргі күні кәсібилігі жоғары, дәстүрге адал, өнерге деген шынайы сүйіспеншілігі бар ұстаздар тәлім береді.
