Катонқарағай ауданында 10 қараша – Ішкі істер органдары мен Ұлттық ұлан ардагерлері күні елдің тыныштығын һәм қауіпсіздігін сақтау жолында абыройлы қызмет атқарған жандарға құрмет көрсетілді, деп хабарлайды F16.kz.
Айтулы күнге орай Катонқарағай аудандық полиция бөлімінің басшылығы мен жеке құрамы ішкі істер саласының ардагерлерімен кездесіп, салтанатты жиын өткізді. Шара барысында аудандық полиция бөлімінің бастығы, полиция полковнигі Айқын Катчебаев ардагер сақшыларды төл мерекемен құттықтап, ізгі тілегін жеткізді.
«Ішкі істер органдары мен Ұлттық ұлан ардагерлерінің Қазақстандық ұйымы» қоғамдық бірлестігінің шешіміне сәйкес, 10 қараша – Ішкі істер органдары мен Ұлттық ұлан ардагерлерінің күні болып жарияланды. Бұрынғы кеңестік милиция күні енді Ішкі істер органдары ардагерлерінің күні ретінде аталып өтеді. Құрметті ардагерлер, сіздерді шын жүректен құттықтаймыз! Дендеріңіз сау, көңілдеріңіз көтеріңкі болсын, – деді Айқын Катчебаев.
Сондай-ақ жиналғандарды полиция бөлімі бастығының орынбасары, полиция подполковнигі Абзал Нұбараков құттықтап, игі тілегін білдірді.
Мерекелік жиында ішкі істер органдарының бірқатар ардагері марапатқа ие болды. Олардың қатарында Ж.Можанов, М.Бейғанов, Е.Қоңырбаев, Т.Бейғанов, М.Жанұзақов, Б.Ниғметов, А.Кудерин, А.Исанов, А.Мұқашев, С.Хамитов сынды ардагерлерге полиция бөлімінің бастығы атынан алғыс хаттар мен естелік сыйлықтар табысталды.
Ардагерлер де жылы лебіз білдіріп, бүгінгі буын тәртіп сақшыларына алғыс айтты.
Мерекелік жиын соңында қатысушылар естелік суретке түсіп, жаңартылған полиция ғимаратын аралап көрді. Ардагерлер жас қызметкерлердің жұмыс жағдайымен танысып.
Тимур Смағұлов
