Өскеменде бүгін да қолайсыз метеорологиялық жағдайға байланысты екінші дәрежелі ескерту жарияланды, деп хабарлайды F16.kz.
Қаланы бүгін тағы сұр тұман басты. “Қазгидромет” жариялаған деректерге сүйенсек, бүгін ауада күкіртсутек рұқсат етілген шекті мөлшерден 2,6 есе, ал күкірт диоксиді 1,373 есе асып кеткен.
Облыстық экология департаменті 17 қараша 20.00-ден 18 қараша 20.00-ге дейін қолайсыз метеожағдайға байланысты екінші дәрежелі ескерту сақталатынын мәлімдеді.
