Елімізде соңғы күндері тұмаумен және өзге де респираторлық вируспен ауырғандар саны артты. Сан жағынан жоғары болғанымен, мамандар мұны табиғи маусымдық құбылыс деп бағалады. Десе де, әлеуметтік желі қолдаушылары гонконг тұмауы тарағанын айтып, дабыл қағуда, деп хабарлайды F16.kz.
Ақхалаттылардың айтуынша, гонконг тұмауы да – бұрыннан бері келе жатқан тұмаудың бір түрі.
Бұл — қалыпты маусымдық тұмау. Белгілері барлық тұмауға ұқсайды. Ерекшелігі – дене қызуы 39–40 градусқа дейін көтеріліп, ұзақ уақытқа созылуы мүмкін. Кей адамдарда 1 аптаға дейін дене қызуы түспеген жағдайлар болды, — деп атап өтті ШҚО-ның бас инфекционисті Назигүл Сапарғалиева.
Одан бөлек, бас ауруы мен бұлшық ет, буынның ауырсынуы кездесуі де мүмкін.
Облыстың бас инфекционистінің айтуынша, биылғы маусымда сырқаттанғандардың барлығы бірдей гонконг тұмауын жұқтырмаған.
Тіркелгенде саны көп болғанымен, барлығы гонконг тұмауы емес. Қазіргі таңда облыста A/H3N2 вирусын тек бес адам жұқтырған. Барлығы Өскеменде анықталған, оның төртеуі – 14 жасқа дейінгі бала, — деді Назигүл Сапарғалиева.
Мамандар дұрыс профилактика мен уақтылы вакцина алу маусымды қиындықсыз еңсеруге мүмкіндік беретінін айтады.
