«Шығыс ақпарат» ЖШС – «F16.kz» ақпараттық сайтының, сондай-ақ Instagram және TikTok әлеуметтік желілеріндегі @shygys.info, @f16_kaz, f16news.kz пабликтерінің меншік иесі, «Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасының Конституциялық заңына сәйкес, Қазақстан Республикасы Президентінің 2026 жылғы 1 шілдедегі №1338 Жарлығымен 2026 жылғы 23 тамызға тағайындалған сайлауға қатысатын, Қазақстан Республикасы Құрылтайы депутаттығына кандидаттардың партиялық тізімдерін ұсынған саяси партияларға «F16.kz» ақпараттық сайтында https://f16.kz/, сондай-ақ Instagram және TikTok әлеуметтік желілеріндегі @shygys.info, @f16_kaz және f16news.kz пабликтерінде сайлауалды үгіт материалдарын (бұдан әрі – үгіт материалдары) орналастыру үшін интернет-ресурста орын беру құны, шарттары және тәртібі туралы хабарлайды.
Сайлауалды үгіт 2026 жылғы 23 шілде сағат 18:00-де басталып, 2026 жылғы 22 тамыз сағат 00:00-де аяқталады.
Үгіт материалдары* келесі форматтарда орналастырылады:
| Орналастыру түрі | Қызметтің сипаттамасы | 1 (бір) күнге орналастыру құны, теңге |
| Мақала | Сайтта көлемі 5000 таңбаға дейін (бос орындармен бірге) сайлауалды үгіт мақаласын орналастыру | 15 000 |
| Мақала | Көлемі 5000 таңбадан (бос орындармен бірге) асатын сайлауалды үгіт мақаласын орналастыру | 30 000 |
| Мақала | Үгіт материалын сайттың басты бетінің жоғарғы бөлігіне бекітіп орналастыру | Жариялау құнына қосымша +5 000 |
| Баннер | Сайттың басты бетінде дайын баннерді орналастыру | Жоғарғы баннер – 10 000;
Төменгі баннер – 5 000 |
| Жарияланым (бейнеролик, пост, баннер) | Instagram әлеуметтік желісіндегі @shygys.info паблигінің лентасы мен stories бөлімінде дайын жарияланымды орналастыру |
20 000 |
| Жарияланым (бейнеролик, пост, баннер) | TikTok әлеуметтік желісіндегі @shygys.info парақшасының лентасы мен stories бөлімінде дайын жарияланымды орналастыру | 15 000 |
| Жарияланым (бейнеролик, пост, баннер) | Instagram әлеуметтік желісіндегі @f16_kaz және TikTok-тағы f16news.kz парақшаларының лентасы мен stories бөлімінде дайын жарияланымды орналастыру
|
20 000 |
* Үгіт материалдары толық дайын күйінде ұсынылады және меншік иесі оларды редакциялық өңдеуді жүзеге асырмайды.
«Шығыс ақпарат» ЖШС үгіт материалдарын партиялық тізімдерді ұсынған саяси партиямен жасалған жазбаша шарт негізінде орналастырады.
Үгіт материалдарының саны, көлемі, орналастырылатын күні мен уақыты партиялық тізімдерді ұсынған саяси партияның сенім білдірілген тұлғасының жазбаша өтінішінде көрсетіледі және кейіннен шартта бекітіледі.
Өтініш келіп түсу кезектілігі бойынша тіркеу журналында тіркеледі. Әрбір жазбаша өтінішке реттік нөмір беріліп, оның келіп түскен күні көрсетіледі.
Жазбаша өтінішке мынадай құжаттар қоса беріледі:
1) партиялық тізімнің тіркелгенін растайтын құжаттың көшірмесі;
2) саяси партияның сенім білдірілген тұлғасының өкілеттігін растайтын құжаттың көшірмесі (оның ішінде уәкілетті орган берген куәлік);
3) өтініш беруші саяси партияның сенім білдірілген тұлғасының жеке куәлігінің көшірмесі;
4) шартқа қол қоюға уәкілетті тұлғаның өкілеттігін растайтын құжаттар;
5) қағаз немесе электронды жеткізгіштегі үгіт материалының мәтіні.
Үгіт материалдары сайтта орналастыру жоспарланған күнге дейін 3 (үш) күнтізбелік күн бұрын ұсынылуға тиіс.
«Шығыс ақпарат» ЖШС ұсынылған материалдар Қазақстан Республикасы қолданыстағы заңнамасының талаптарына сәйкес келмеген жағдайда, оларды орналастырудан бас тартуға құқылы.
Үгіт материалдарын орналастыру кезектілігі жазбаша өтініштердің келіп түсу уақытына қарай айқындалады. Өтініштер бір мезгілде келіп түскен жағдайда, кезектілік жеребе арқылы анықталады. Жеребе өткізу тәртібін сайттың меншік иесі белгілейді.
Үгіт материалдарында оларды төлеу туралы мәліметтер, қаржыландыру көздері, сондай-ақ тиісті ақпаратты ұсынған тұлға туралы деректер көрсетілуге тиіс.
Саяси партиялар үгіт материалдарының мазмұнының Қазақстан Республикасы заңнамасының талаптарына, оның ішінде авторлық және сабақтас құқықтарды сақтау талаптарына сәйкестігі үшін жауапты болады.
Сайттың және пабликтердің меншік иесі Қазақстан Республикасының заңнамасында көзделген жағдайларда үгіт материалдарын орналастырудан бас тартуға немесе олардың таратылуын тоқтата тұруға құқылы, оның ішінде материалдарда:
— конституциялық құрылысты күшпен өзгертуге шақырулар;
— мемлекеттің аумақтық тұтастығы мен қауіпсіздігіне қол сұғушылық;
— әлеуметтік, нәсілдік, ұлттық, діни немесе өзге де алауыздықты қоздыру;
— қатыгездік пен зорлық-зомбылықты насихаттау;
— басқа кандидаттардың немесе саяси партиялардың ар-намысына, қадір-қасиетіне немесе іскерлік беделіне нұқсан келтіретін мәліметтер болған жағдайда.
Үгіт материалдарын орналастыру жөніндегі жасалған шарт бойынша төлем ұсынылған төлем шотының негізінде, шот ұсынылған күннен бастап 5 (бес) күн ішінде жүзеге асырылады.
Жазбаша өтініштер сайттың меншік иесі тарапынан 2026 жылғы 20 шілдеден бастап, күн сайын сағат 09:30-дан 18:00-ге дейін, түскі үзіліс сағат 13:00-ден 14:00-ге дейін мына мекенжай бойынша қабылданады: Өскемен қаласы, М. Горький көшесі, 46, 129-кабинет. Электрондық пошта: f16news@mail.ru. Байланыс телефоны: +7 (777) 217 3293.
