ШҚО әкімі мекемелер жаңа жұмыс кестесіне үйренгенін және бұрыңғы уақыт белдеуіне оралу мәселесі қайта қаралмайтынын айтты, деп хабарлайды F16.kz.
Былтыр, яғни 2024 жылы 1 наурыздан бастап Қазақстан бірыңғай уақыт белдеуіне көшті. Алайда, Шығыс Қазақстан облысының халқы уақытты кері қайтару мәселесін жиі көтеріп, әлі де қызу талқылау үстінде.
Жаңа уақыт белдеуіне көшкенімізге бір жыл сегіз ай болды. Осы уақыт ішінде бұл мәселе бірнеше рет мемлекеттік деңгейде қаралды, ғалымдар мен мамандардың талдауы мен қорытындылары ескерілді. Облыстағы мекемелер жаңа кестеге көшті. Бүгінде олар 8:00-ден 17:30-ға дейін жұмыс істейді және бұл кестеге үйренді. Сондықтан бұл мәселе қайта қаралмайды деп ойлаймын, — деді Нұрымбет Сақтағанов тілшілердің сұрағына берген жауабында.
