«Азаматтарға арналған үкімет» мемлекеттік корпорациясының ШҚО бойынша филиалы өңірдегі ең танымал есімдер тізімін жариялады, деп хабарлайды F16.kz.
Үздік бестікке Ай-Сафи, Мәриям, Томирис, Кира және Сафия есімдері енді. Ер балалардың есімдер тізімінде Бейбарыс, Әлинұр, Хақназар, Давид, Максим бар.
Бала дүниеге келгеннен кейін ата-анаға SMS-хабарлама келеді. Сол хабарламаға жауап ретінде бірнеше сұраққа жауап беріп, таңдалған есімді көрсету қажет. Мұндай формат туу туралы куәлікті алу рәсімін айтарлықтай жеңілдетеді және азаматтардың уақытын үнемдейді, – деді Мемлекеттік корпорация ШҚО бойынша филиалының директоры Азамат Есембулов.
Мемлекеттік корпорацияның ресми мәліметіне сүйенсек, жыл басынан бері ШҚО-да шамамен жеті мың туу туралы куәлік берілген. Оның ішінде үш мыңнан астамын ата-аналар проактивті форматта рәсімдеген. Былтырғы осы кезеңімен салыстырғанда проактивті өтінімдердің саны айтарлықтай артқан, бұл азаматтардың цифрлық сервистерге деген сенімінің өсіп келе жатқанын көрсетеді.
