Облыс орталығында Желтоқсан көтерілісінің құрбаны, ерлік пен өрліктің символына айналған Сәбира Мұхамеджанова атындағы волейболан облыстық турнир өтті, деп хабарлайды F16.kz.
Дүбірлі додаға Шығыс Қазақстан және Абай облыстарынан 10 команда қатысып, өзара кіл мықтыны анықтады. Қатысушылар бұл дәстүрлі жарысқа тыңғылықты дайындықпен келгені көрінеді.
Аталған дәстүрлі турнирді қаһарман қыздың жерлестері – Ақмектеп ауылының тұрғындары биыл 5-ші жыл қатарынан өткізген. Бұған дейін тек Тарбағатай ауданына қарасты ауылдар арасында өткен жарыс, биыл алғаш рет облыстық деңгейде ұйымдастырылып отыр.
Небәрі 16 жасында елінің ертеңі үшін алаңға шыққан батыр қыздың жерлесі болғанымызды мақтан етеміз. Есімін ұлықтап, жыл сайын еске алу – біздің парыз. Сондықтан ауыл арасында осындай турнир өткізуді дәстүрге айналдырдық. Қатысушылар саны жыл сайын артып, биыл облыстық деңгейде ұйымдастырылды. Алдағы жылдары республикалық турнир өткізу жоспарда бар. Жалпы, бұл жарыстың негізгі демеушісі – Ақмектеп ауылының қазіргі және байырғы тұрғындары, — дейді турнирді ұйымдастырушылардың бірі Әділет Мұхаметқалиев.
Турин нәтижесі бойынша, Тарбағатай ауданының командасы бас бәйгені иеленсе, екінші және үшінші орында Катонқарағай ауданынан келген команда мен Тарабағатай жастары өзара сарапқа салды.
